ගිජු කමට
කෙල ගිලින
අසීමාන්තික
සුඛ විහරණය
පතන ලියවිල්ලක්.
මැවුවට
වදන්
නොවෙයි
මිනිහෙක්
වැනුවට
කඩ්ඩ
නෙමෙයි
සුද්දෙක්.
පීඩිත
පන්තියට
කන් හැන්දෙන්
බෙදීමක්.
එයත්
පැෂන් බග්
මෙයත්
පැෂන් බග්
ගෙදර බජට්
හබක් තමයි.
වේලිලා
වේලිලා
කරවෙලා
ගෙවිලා
ගිහින්
ඇඟිලි තුඩු
මොනිටරය
ඉස්සරහටම.
පුන
පුනා
නැගෙයි
හැමදාම
එක
චක්‍රයයි.
කියල
කියල
ඉවසල
ඉවසල
ලිමිට්
ඕවර්
ගියාම
පැන්නා එළියට.
අවප්‍රමාණය වෙන
රුපියලට
අධිප්‍රමාණ වෙන
පසුම්බිය.
කෑලි කපන
ඝන අන්ධකාරයේ
කණා මැදිරියො
එළි නිකන් දේවිද ?
කාසි හිග නම්
පසුම්බියෙ අද
හරය ජීවිතෙ ඇතිද ?
හඬ නගා
කියවමින්
ඉඟිලෙති
සුදු වෑන්...
උගස්
තියන්න
තියන්න
සින්න වෙන.
ජහ මහ කී සැනින්
පොකැට්ටු සරුවෙයි
පුටු රත් කරන්නන්ගෙ.
පිච්චිච්ච
තැන්
වලට
මිරිස්
කරල්
පුච්චලා
තිබ්බ
වගේ.
ඉපයීම
ශුන්‍යයි
ශුද්ධ
ලාභය
ඉහලයි
වරප්‍රසාද
කදුළු.
සිවුපාම
නොවුනාට
ගොන් කිරිත්
නොදෙවුවට
මනස උස
නැතිම උන්.
උන්,
හති දම
දමා පිඹිනවා
අරුන්,
තලු මර
මරා බුදිනවා...
ෆැන්ටසි
සිහිනයක
අන්ධව
ඇවිදීමක්.
විපරිත
ලෝකෙක
කෙනෙක්
දෙන්නෙක්
සැබෑ දැකීමක්.
කහට පැල්ලම
යන්න
නොයෙකුත්
පිරිසුදු කාරක යෙදීම.
ගඩොල් සියය
පරද්දනවා
දස දහස් ගානක
ගඩොල් එකතුව.
අච්චාරුත්
පහුවෙද්දි
ඇඹුල් වෙනවා.
ඇති දා
ලොබ බදියි..
නැතිදා
දෙස් තබයි.
උඩු
යටිකුරු,
පැතලි
කලු
කණ්නාඩි
දමා,
තමන්වත්
නොපෙනේ
කැඩපතින්.
පණ
ඇති
පණ
නැති.
කෘතිම
ස්වභාවික.
හිතූ ලෙස
වෙනස්වෙන.
නය්‍යායෙන්
පිට පැන්න
ආදරේ වගේ.
දියවන්නාවෙන්
මඩ සෝදන
මීහරක් රැල.
අල්ලට
දමාවත්
ලෙවකන්න
බැරි.
ඔබ්බවා
නිරුවතක්
ලියා වැකියක්
ගත හැකිය
හොඳ
ආදායමක්.
ඔහු
මිළ
ගණන්
කැඳවයි.
ඇය
කඳුළු
කිරයි.
තරාදියෙ
අතරමං
ආදරය.
කොයිතරම්
දිවුවත්
හති
නොවැටෙයි.
උන්
බොනවා
මුන්
කෙළ
ගිලිනවා.
සමනලුන්
බමරුන්
පේළියට
ඇදෙන තැන්.
සෘජුකෝණාස්‍රයක
වෘත්ත
සෙවීමක්.
සැකසූ
මල් පාත්තියෙ
වල් පැලත්
ඉන්දලා.
සේල්
පිට
සේල්
මිළ
ඉහළ
යන.
සඳ
වළ ගොඩැලි
බදාමයකින්
ආවරණය කරගෙන
පෝය දාට
කළ එළි බහින්න.
කියති
වන්නම්
තකිට තකිට
මරා තළු
බෙර පදට.
නටති
හිස් කල
පේළියට.
කම්මුල්
දෙකටම
හාදු ලබමින්.
ධනපති
පන්තියෙන්
නිර්ධන
පන්තියට
හාඳු දීමක්.
පේන්න
සිල් රෙද්ද
නොපෙනෙන්න
ගිනි පුළිඟු.
මල්ලකින්
පුරවලා
විෂ පිඹියි
දුම් බටේ.
අරෝහණ
අවරෝහණ
ඔත්තෙ
ඉරට්ටේ
ඉලක්කම්
ගණනය කරන
මෙගා ටෙලියක
නිළියක් වගෙයි.
හාරපුවත්
හාර හාරා
ගොඩ ගැනීම.
රිච්ටර්
මාපකයටත්
හසු නොවු
ගැස්සිලි.
වචනාර්තයෙන්
ක්‍රියාවෙන්
ආත්මාර්ථකාමී.
කෙලෙස්
හැගුමට
පෙම් කරන.
දෑතට
නොවිඳි
පාකර්
පෑන.....
සිනා සී
වැලපෙති
යතුරු පුවරුවෙ.
ලෝකෙටම
වැදි බණ
ඇතුළතින්
කුණු කඳු.
ඇගේ පෙම
මගේ පෙම
උගේ පෙම
අගේ පෙම
වැඩේ නම
කැතම කම.
අතැර
දැම්මත්
අතැර
නොයනා
සෙවනැල්ල
